46

انسانی پاؤں کی شکل والا عجیب الخلقت آلو

برازیلیا: برازیل کے گاؤں میں شہریوں نے آلو کاشت کیا اور 6 برس بعد اُسے باہر نکالا تو حیران رہ گئے کیونکہ اس کی شکل انسانی پاؤں کی طرح اور وزن بھی بہت زیادہ تھا۔

تفصیلات کے مطابق برازیل کی ریاست سانٹا کنٹارینا کے علاقے میلیرو میں مارلی اور پاؤل نے اپنی زمین پر 6 برس قبل آلو مٹی کے اندر دبایا اور اُسے 6 برس بعد نکالا تو یہ بالکل انسانی پیر جیسا نظر آرہا تھا۔

زمیندار نے آلو باہر نکالا اور اس کی تصاویر بنا کر سوشل میڈیا پر شیئر کیں جس میں واضح طور پر دیکھا جاسکتا ہے کہ یہ عام آلو کے مقابلے میں بہت بڑا اور وزن میں بھی زیادہ نظر آرہا ہے۔

مارلی کا کہنا تھا کہ 6 برس قبل میں نے اپنی زمین پر آلو دبایا اور اُسے گزشتہ روز نکالا تو یہ میرے ہاتھ کے برابر تھا اور اس کا وزن تقریبا 8 گلوگرام کے قریب تھا۔

اُن کا کہنا تھا کہ میں عرصہ دراز سے سبزیاں کاشت کررہا ہوں مگر ایسا پہلی بار ہوا کہ کوئی سبزی انسانی پیر کی طرح بن گئی، یہ ہمارے لیے بہت ہی زیادہ حیران کُن ہے۔
aalu-1
مارلی کا کہنا تھا کہ ہم نے آلو اور سبزیاں کاشت کی تھیں جو اپنی اصل شکل میں باہر نکلیں البتہ اُن میں سے ایک آلو حیران کُن طور پر بہت ہی زیادہ علیحدہ ہے جسے ہم سجائیں گے تاکہ لوگ خدا کی قدرت کو دیکھ سکیں۔

آلو کے حوالےسے جب مقامی انتظامیہ کو خبر ملی تو وہ ماہرین کے ہمراہ جائے وقوعہ پر پہنچے اور انہوں نے معائنہ کیا۔ طبی ماہرین نے اس آلو کو مضرِ صحت قرار دیا۔

مارلی اور اُن کے خاوند نے مستقبل میں مزید سبزیاں اور بالخصوص آلو کاشت کرنے کا اعلان کیا البتہ وہ آئندہ اپنے گھر کے آنگن میں ہی سبزیاں لگانے کا ارادہ رکھتے ہیں۔

مزید پڑھیں:وائی فائی کا پاس ورڈ‌ حاصل کرنے کے لیے نوجوان کی انوکھی حرکت، چوری کا مقدمہ درج

محکمہ زراعت کے وزیر نے دعویٰ کیا ہے کہ آج سے قبل دنیا میں اتنا وزنی اور ایسی شکل کا آلو نہیں اُگا، حکومت گنیز بک آف ورلڈ ریکارڈ کی ٹیم کو مدعو کرے گی تاکہ اس کا اندراج عالمی سطح پر کروایا جاسکے۔

اس خبر پر اپنی رائے کا اظہار کریں

اپنا تبصرہ بھیجیں